چودھری نثار علی خان مان جاہیئے آپ ہار گئے ، اعتزاز احسن کے الزامات سچ تھے

یہ بات صرف میں نہیں کہہ رہی بلکہ ہر وہ شخص جس نے  عزت مآب وزیر داخلہ چودہری نثار کی پریس کانفرنس دیکھی ہے کہہ رہا ہے۔ ایسی عدم تسلسل کا شکار گفتگو کہ سمجھ میں نہیں آتا کہ اسکو کیانام دیا جائے

چوہدری نثار بھی چوہدری شجاعت کی طرح مٹی پاؤ کے حامی ہو گئے ہیں اور کیا کمال کا در گزر کیا ہے۔ ویسے اگر چوہدری نثار جی آپ در گزر نہ کرتے تو پھر کیا کرتے؟ اعتزاز چوہدری پر مقدمہ کرتے؟ انکو عدالت لے جاتے؟ چوہدریوں کے خاندان میں انکا حقہ پانی بند کر دیتے؟

سچی بات تو یہ ہے کہ یہ چوہدریوں کی آپس کی لڑائی ہے اور اسی کو ہاتھیوں کی لڑائی کہتے ہیں۔ بھلا ہم حشرات الارض قسم کے عوام کی کیا مجال کہ اس ہاتھیوں کی لڑائی پر اظہار خیال کر کے ہاتھیوں کا رزق بن جائیں

ویسے آپس کی بات ہے چوہدری نثار صاحب۔ یہ بتائیں اگر آپ یہ پریس کانفرنس نہ کرتے تو آپ کی کیا عزت نہ رہ جاتی کہ آپ نے خود ہی اپنے آپکو ایکسپوز کر لیا۔ سچ تو یہ ہے کہ پارلیمان میں پیپلز پارٹی نے جس طرح مسلم لیگ ن کو حمایت دی ہے اسکے بعد چوہدری صاحب آپ تو کیا خود میاں صاحب کی بھی ہمت نہیں کہ اسوقت پیپلز پارٹی کے کسی بھی جیالے سے سینگ پھنسا سکیں۔ یہ تو ایسی صورت حال ہے کہ میاں صاحب اپنی زلزلہ زدہ کرسی کو بچانے کے لیئے آپ تو کیا آپ جیسے دس چوہدری نثاروں کو نثار کر سکتے ہیں

یہ سیاست بڑی ظالم شے ہیں۔ اسمیں باپ بیٹے کو اور بیٹا باپ کو تسلیم نہیں کرتا ہے اور اگر مفاد میں ہو تو ولدیت سے انکار کر دیتا ہے

یہ پریس کانفرنس تو اس مصرعے کے مصداق تھی کہ ۔۔۔۔۔ دیکھنے ہم بھی بھی گئے تھے پر تماشہ نہ ہوا۔۔۔۔

‎‫چودھری نثار کی خود غرضانہ ، احمقانہ کانفرنس بغیر کسی تھر تھلی کے اختتام کو پہنچی ۔ انہوں نے کمال مہربانی سے چودھری اعتزاز احسن کو درگزر کیا ایسے جیسے " جاؤ کیا یاد کروگے " ۔ پر سچ یہی ہے کہ نثار صاحب اخلاقی طور پر ہار گئے ۔ ان کے پاس اپنی صفائی اور سچائی میں کہنے کو کچھ تھا ہی نہیں ۔ اس لیئے درگزر سے کام لیا ۔ سوال یہ ہے کہ اگر درگزر ہی کرنا تھا تو نواز شریف کی مخالفت مول لے کر پریس کانفرنس کرنے کی ضرورت ہی کیا تھی ۔۔۔۔۔۔۔۔۔۔ بس دوستو آج ثابت ہو گیا کہ پاکستان کی حکومت کا صدر ہو یا وزیر اعظم یا وزیر داخلہ سب مفاد پرست ، منافق اور کم ظرف ہیں ۔۔ کوئی تو بات کرتا ۔۔ کوئی تو قوم کو تسلی دیتا ۔۔۔۔۔۔ کچھ تو کہتا ۔۔۔‬

‎‫پارش سے مرنے والوں پر اظہار افسوس کرتا‬
‎‫دھرنوں کا کیا ہو گا ۔۔ کوئی تو تجویز بتاتا‬
‎‫کراچی میں حالیہ ٹارگٹ کلنگ کی وبا کو کیسے روکا جائے ۔۔ کچھ کہتا‬
‎‫آئی ڈی پییز کا کیا مستقبل ہے ۔۔ پروگرام بنات‬

‎‫پر ۔۔۔۔ کیا کیجئے ۔۔۔۔۔ ہم بے ضمیر حکمرانوں کی ایسی سہمی ہوئی عوام ہیں جن کے ہاتھ پیربے بسی کی زنجیروں سے بندھے ہوئے ہیں اور آنکھیں آزادی کے خوابوں سے بھری ہیں ۔

چوہدری نثار آپکی نذر ایک شعر

واہ رہے یہ مقدر کہ قسمت بھی ہری نکلی
سمجھا تھا اسے لڑکا پر یہ تو پری نکلی
‬
نا اہل حکمرانوں کے نا اہل مشیر اور وزیر۔ خود کشی صرف ٹرین کے نیچے آنا ہی نہیں پریس کانفرنس بھی کرنا ہے