قرآن کے الفاظ ، ولا تفراقو ، شاید ہم روز رٹے رٹائے طوطے کی طرح پڑھ لیتے ہیں ، مگر قرآن کیا ہے ؟ کیوں ہے ؟ کیسے ہے ؟ کیا کہ رہا ہے ؟ کیوں کہ رہا ہے ؟ اس پر کبھی سوچتے بھی نہیں ،
ہمارے ملک میں جتنی توہین ہم لوگ قرآن کی اور احادیث کی کرتے ہیں ، اتنی شاید کوئی غیر ممالک میں کرتا ہو
ہم لوگوں کا خون چوس کر بلنڈنگ بنا لیتے ہیں ، اور اس پر ماشااللہ لکھ دیتے ہیں
ہمارے تاجر حضرات مزدور کا خون خُشک ہونے پر بھی مزدوری نہیں دیتے اور اپنی فیکٹری پر ھزا من فضل ربی کا بورڈ لٹکائے پھرتے ہیں
ہمارے ڈاکٹر جعلی دوا فروشوں کے نسخے لکھتے ہیں ، اور اپنے لیٹر پیڈ کے اوپر ۔ ۔۔ اللہ شافی لکھ دیتے ہیں ۔ ۔۔

آپ مسجد کی بات کرتی ہیں ، مسجد میں چاہے کوئی بھی ہو ، لوگ اللہ کی مان کر ٹکریں مار دیتے ہیں ، مگر مسجد سے نکلتے ہی ۔ ۔۔ ہم فرعون و شداد بن جاتے ہیں ۔ ۔۔

ساری توحید ہماری ، ساری خُدائی ہماری

اور آل رسول(ص) کی محبت کا ذکر ہی کیا ، ہم روز خود کو کربلا میں تصور کرتے ہیں ، اور روز ہی آل رسول کو شہید کروا کہ ماتم کر کے "چندا" اکھٹا کر کہ چلتے بنتے ہیں
ہر کوئی حُسین (رض) کا پیرو بنتا ہے ، اور سب یزید کے قدموں میں جا بیٹھتا ہے ، روز مسجدوں سے حی الفلاح کی صدا آتی ہے ، ہم روز ، اپنی فلاح کے لیے کوفی بن جاتے ہیں
روز مرتے ہیں حرام موت ، مگر شہید کا لیبل لگا کر ہمارے مُلا و مولوی اپنی مسجد و امام بارگاہ چمکا لیتے ہیں ۔ ۔۔
ہم سب کوفی ۔ ۔۔ ہیں ، کہ چند قدم کے فاصلے پر رسول کا نواسہ شہید ہوتا ہے شام غریباں ہوتی ہے ، اور انہیں بازروں سے پیغمبر زادیاں برہنہ سر گزاری جاتی ہیں ۔ ۔ ۔ اور ہم کوفی ۔ ۔۔ شرمسار بھی نہیں ہوتے

ہم میں اور عیسیٰ (ع) کے حواریوں میں کیا فرق ہے ؟ کہ صلیب بھی پیغمبر اٹھائے ۔ ۔ اور ہمارے گناہوں کا بوجھ بھی
ہم تو موسیٰ (ع) کی قوم سے بھی بدتر ہیں ، جو کہتی ہے موسیٰ تم اور تمہارا خُدا لڑے جا کہ ۔ ۔ ہم تو بیٹھے ہیں ادھر ۔ ۔ ۔۔ ۔

آپ صرف مسجدوں کی تفریق کی بات کرتی ہیں ۔ ۔۔ ہمیں تو آتی ہی تفریق ہے ۔۔ ۔ جمع کرنا تو سیکھا ہی نہیں ضرب سے بھی تفریق کرتے ہیں ۔ ۔۔ اور تقسیم تو ہمیں خوب