روم : یورپ میں انوکھے مقابلے کا اہتمام کیا گیا جس میں کئی ممالک کی ٹیموں اور انفرادی طور پر کھلاڑیوں نے حصہ لیا، کیا یہ فٹبال ہے؟ جی نہیں! کیا یہ گولف ہے؟ جی نہیں! تو پھر آخر یہ ہے کیا؟۔

اٹلی نے فٹ گولف یورپین چیمپئن شپ جیت لی، گولف اور فٹبال کا مکسچر کھیل، اسپین اور فرانس میں تیزی سے مقبول ہورہا ہے۔

نہ گولف کی گیند بڑی ہوئی  نہ ہی گولف کورس پر شوقین فٹبالرز نے قبضہ کیا، اسپین کے شہر اندلس میں کھیلا جارہا ہے اک نیا کھیل فٹ گولف، فٹ گولف کے کھیل میں سارے اصول گولف کے ہیں، بس  پاؤں سے فٹبال کو کک لگائیں اور ہول میں پہنچائیں، ایسی کوشش میں کئی کھلاڑیوں نے فٹبال کو درختوں پر چڑھایا تو کچھ کئی کک مار کر بھی ہول نہ کرسکے۔

ہالینڈ کے بورن بلک نے ایونٹ کا انفرادی اور اٹلی نے ٹیم ایونٹ اپنے نام کیا