عالمی اخبار کی نائب مدیر ، افسانہ نگار اور شاعرہ ڈاکٹر نگہت نسیم  اور پاکستان میں ٹی وی کی ڈرامہ نگار دلشاد نسیم کی والدہ جو لندن میں انتقال کر گئی تھیں انکو پیر کے روز لندن میں رامفورڈ روڈ کے قبرستان میں اہل خانہ،اعزا،دوستوں اور اہل محلہ کی موجودگی میں سپرد خاک کر دیا گیا

اس سے قبل نماز ظہر کے فوری بعد انکی  نماز جنازہ انجمن اسلامیہ مسجد  نیو ہیم میں ادا  کی گئی جس میں بڑی تعداد میں مردوں اور خواتین نے شرکت کی۔ احباب نے مرحومہ کے بیٹوں سے تعزیت کی اور امام نماز نے مرحومہ کی مغفرت کی دعا کرتے ہوئے انکے درجات کی بلندی کی دعا کی 

 رقیعہ بیگم کی عمر پچھہتر برس تھی وہ پچھلے کچھ عرصے سے مسلسل علیل چلی آ رہی تھیں۔ 

انکو گزشتہ دو دن میں انکو ایک بار پھر مقامی ہسپتال میں داخل کروایا گیا جہاں وہ کومے میں چلی گئیں اور انتیس نومبر کی صبح کومے کی حالت میں ہی اپنے خالق حقیقی سے جا ملیں

ڈاکٹر نگہت نسیم اطلاع ملتے ہی سڈنی سے روانہ ہوئی تھیں اور اب لندن پہنچ چکی ہیں

متعدد ادبی تنظیموں اور ادیبوں، شاعروں اور کالم نگاروں نے داکٹر نگہت نسیم اور انکے اہل خانہ سے تعزیت کی ہے

دعا ہے کہ پروردگار انکی مغفرت فرمائے اور ان کے گناہان صغیرہ و کبیرہ معاف کرے

عالمی اخبار کے ادارتی بورڈ، قلم کاروں اور قارئین نے ڈاکٹر نگہت نسیم اور انکے اہل خاندان سے تعزیت کی ہے اور افسوس کا اظہار کیا ہے