انہونی کو ہونی اور ہونی کو انہونی میں بدلنے والے کردار جمیز بانڈ کی نئی فلم کا اعلان ہوگیا۔ ڈینئل کریگ ہی مرکزی کردار میں ہوں گے۔

ایسا افسانوی کردار جو جب جب اسکرین پر آیا تہلکہ مچا گیا۔ کردار کئی اداکاروں نے ادا کیے لیکن پچھلے دو حصوں سے ڈینئل کریگ ہی جمیز بانڈ بن کر غضب ڈھا رہے ہیں اور اب نئے سیکوئل کا اعلان کردیا گیا ہے جس کو اسپیکٹر کا نام دیا گیا ہے۔اسی سلسلے کی تقریب لندن میں ہوئی تو ڈینئل کریگ کے ساتھ ساتھی ہیروئنز اور اسٹار کاسٹ بھی سب کی توجہ کا مرکز بن گئے۔

 فلم میں اطالوی اداکارہ مونیکا بیلوسی کا اضافہ ہوا ہے جو جمیز بانڈ کی ہیروئن بنیں گی۔ اس موقع پر اس جدید کار کی بھی رونمائی ہوئی جو جیمز بانڈ کے زیر استعمال رہے گی۔ جمیز بانڈ اسپیکٹر کو تئیس اکتوبر دو ہزار پندرہ کو ریلیز کیا جائے گا۔