قائد کا  سفر مسلسل پر روشنی ڈالنے کی ضرورت یوں محسوس ہوئی کہ انہیں پتہ چل سکے  کہ ان کا سفر رائیگاں گیا ۔اب  یہ ان کا وہ پاکستان  نہیں رہا جس کے لیئے انہوں نے 1947سر توڑ کوششیں کیں تھی تاکہ پاکستانی سکھ چین اور عزت سے جی سکیں  ۔ پر ایسا آزادی کی آدھی صدی کے بعد بھی ممکن نہیں ہو سکا ۔ ہر طرف سوال ہی سوال ہیں  ۔ پاکستان کے لئے ہر فرد نے قربانی میں اپنے  بہن بھائی ، ماں باپ ، بیوی ، شوہر ، بچے قربان کیئے تھے ۔ کیا اس لیئے کہ جب ان کی نسلیں ثمر بار ہوں تو کوئی طالبان یا کوئی طالبانی سوچ زدہ لوگ ان کے  ثمر نوچ کر پھینک دیں ۔ کیا اس لیئے عزتیں لٹائیں گئی تھیں کہ بعد میں کسی کی بھی عزت محفوظ نہ رہے ۔ کیا اس لیئے جائیداد ، نوکریاں ، کاروبار چھوڑ کر سب آگئے تھے کہ وطن پہنچ کر پائی پائی کو ترس جائیں ۔۔ رہنے کو ایک کمرہ بھی میسر نہ ہو ۔۔ علاج معالجے کے نام پر موت کے پروانے پر دستخط ہوں ۔ ۔۔ اسکول کالج  موت گاہوں میں بدل جائیں ۔۔ مسجد منبر کی بولیاں لگ سکییں  ۔۔۔۔۔۔۔۔

ہائے کیسے بتاؤں کہ میری ماں یہ کہتی مر گئی کہ مجھے پاکستان جانا ہے پر وہ ڈاکوؤں سے بہت ڈرتی تھی ۔۔۔  انہوں نے ڈاکوؤں سے ہی اپنی اولاد بچائی تھی ۔ ایک ماہ پہلے میرے بھائی کے دوست کوہشت گرد ،  ٹارگٹ کلنگ سے اسی کو اسی کے گھر کے سامنے مار گئے تھے ۔ اس چھبیس سالہ کڑیل جوان   چھبیس سیکنڈ میں ہی مر گیا ۔ سولہ دسمبر کو ہشاور میں 132 پھولوں کو بے دردی سے گولیوں سے چھلنی کیا گیا تو کبھی ان کے ناز شہ رگ کو کاٹ دیا گیا ۔ مائیں رو رو پوچھتی ہیں کہ  پاکستان کا مطلب کیا  ۔۔۔ آنتی جی انہیں بتاتی ہیں   کہ پاکستان  کا مطلب “ لاالا اللہ “ ہے اور  جیو ٹی وی والے  کہتے ہیں کہ “ پاکستان کا مطلب ہے پڑھ کر جیو “ ۔۔ مائیں  بین کرتے کرتے  پوچھتی ہیں کہ کیا “ لا الا للہ “ کسی کو پڑھنے سے روکتا ہے ۔۔ ان کے بچے بھی تو کلمہ گو تھے اور دہشت گردوں نے ان سے کلمہ ہی سنا تھا گویا یقین چاہتے تھے کہ سب محب وطن پاکستانی ہیں ۔