اقبال اکادمی اسکینڈینیویا کے تحت ہفتہ 25 اپریل کو ایک منفرد فکری تقریب کوپن ہیگن میں منعقد ہو رہی ہے جسکا اہتمام تنظیم کے بانی جناب غلام صابر اور انکی انتھک ٹیم نے کیا ہے، انہوں نے اقبال فہمی کا یہ سلسلہ گزشتہ کئی برس سے قائم کیا ہوا ہے جسمیں دنیا بھر کے اہم اقبال شناس اور عشاق اقبال شرکت کر چکے ہیں

اس مرتبہ علامہ اقبال کے یوم وفات کی مناسبت سے ہونے والی اس تقریب کا موضوع اقبال اور نوجوان ہے اور اس ضمن میں کلیدی مقالہ لندن سے مدعو کیئے گئے معروف شاعر، دانشور استاد، محقق اور عالمی اخبار کے مدیر اعلیٰ صفدر ھمدانی پیش کریں گے

تقریب میں پاکستان اور ایران کے سفراء مہمانان خصوصی کے طور پر شرکت کریں گے

جناب صفدر ھمدانی چند برس قبل بھی جناب غلام صابر کی دعوت پر ایسی محفل میں کلیدی مقرر کے طور پر شرکت کر چکے ہیں اور اس بار بوجوہ چند برس کے التوا کے بعد کوپن ہیگن تشریف لا رہے ہیں جہاں کے اعزاز میں ہوںے والی دیگر تقریبات کی تفصیل بھی جلد شائع کر دی جائے گی