لندن سے معروف شاعر محقق،استاد،دانشور اور عالمی اخبار کے مدیراعلیٰ صفدر ھمدانی لگ بھگ چھ سات برس کے تعطل کے بعد ایک مرتبہ پھر ڈنمارک  تشریف لا ئے ہیں جہاں وہ کوپن ہیگن میں یوم اقبال کی تقریبات میں شرکت کے علاوہ دیگر علمی ، ادبی اور فکری پروگراموں میں شرکت کریں گے

کوپن ہیگن پہنچنے پر ہوائی اڈے پر عابد علی عابد ، جناب زبیر اور عالمی اخبار کی بیورو چیف برائے سکینڈے نیویا صدف مرزا نے انکا استقبال کیا

وہ جمعہ کی صبح لندن سے کوپن ہیگن پہنچے اور منگل کی صبح واپس لندن روانہ ہو جائیں گے

اقبال اکادمی اسکینڈینیویا کے تحت ہفتہ 25 اپریل کو ایک منفرد فکری تقریب کوپن ہیگن میں منعقد ہو رہی ہے جسکا اہتمام تنظیم کے بانی جناب غلام صابر اور انکی انتھک ٹیم نے کیا ہے، انہوں نے اقبال فہمی کا یہ سلسلہ گزشتہ کئی برس سے قائم کیا ہوا ہے جسمیں دنیا بھر کے اہم اقبال شناس اور عشاق اقبال شرکت کر چکے ہیں

اس مرتبہ علامہ اقبال کے یوم وفات کی مناسبت سے ہونے والی اس تقریب کا موضوع اقبال اور نوجوان ہے اور اس ضمن میں کلیدی مقالہ لندن سے مدعو کیئے گئے معروف شاعر، دانشور استاد، محقق اور عالمی اخبار کے مدیر اعلیٰ صفدر ھمدانی پیش کریں گے

جناب صفدر ھمدانی چند برس قبل 2007  میں بھی جناب غلام صابر کی دعوت پر ایسی محفل میں کلیدی مقرر کے طور پر شرکت کر چکے ہیں