حسن و خوبصورتی کی دل کش و دلفریب دینا سے مسرت مصباح کا گہرا ربط و  تعلق ھے  اور ڈیپلیکس  پاکستان اور بیرون ملک  میں  اپنے نام  اور کام کی بدولت پہچانا جاتا ھے ۔پاکستان میں  مسرت مصباح کے  30 بیوٹی مراکز ھیں اور اب بیرون ملک بھی ڈیپلیکس کی شاخوں کا قیام عمل میں آچکا ھے

اپنے بارے میں بات کرتے ھوۓ مسرت مصباح نے کہا کہ انھوں نے  بتایا کہ انہوں نے 25نومبر کو کراچی کے بہت آسودہ حال گھرانے میں جنم لیا ۔  والدین اپنے سماجی کاموں کی وجہ سے جانے جاتے تھے

والدہ سے یہ جذبہ ورثے میں ملا   ۔انکی بے لوث سماجی خدمات  کو دیکھتے ھوۓ میرے دل میں بھی یہ خیال آیا کہ کچھہ ایسا کام کیا جاۓ کہ لوگ تادیر آپکو یاد رکھیں ۔

انہوں نے انیس سو اسی میں بطور ماھر جمالیات میں نے حسن و خوبصورتی کی دینا میں قدم رکھا میرا شعبہ  تو حسن نزاکت نفاست خوشبو ادا رنگینی  مہکتے گیسو عشوہ و ناز تھا میں اپنے ھاتھوں سے  سادے سے چہروں کو دلکش و خوب رو بناتی تھی  آسائش خوش حالی اسودگی کے باوجود اک دن جب میرے پاس ایسی جلی ھوئ لڑکی لائ گی جس پر اسکے شوھر نے تیزاب ڈال اسکے خوبصورت خودخال والے چہرے کو بدھیبت بنا ڈالا تھا ۔ تو میں نے اسی لمحے  اپنے دل میں عہد کیا کہ ان بدقسمت خواتین کو جو مردوں کےانتقام کا نشانہ بنتی ھیں ۔ آزار اور دکھہ میں مبتلا ان خواتین کو معاشرے کا مفید فرد بنانے میں مدد کرونگی 

میرے ساتھہ اٹلی ، فرانس ،جنوب افریقہ  کے ماھرین شامل ھیں جو نہ صرف جلے ھوۓ چہروں کی سرجری کرتے ھیں  بلکہ ان میں نيے سرے سے زندہ رھنے اور کام کرنے کی بھی امنگ پیدا کرتے ھیں 

 اور مجھے یہ بات بہت تقویت دیتی ھے کہ میں اک بہت مختلف کام کررھی ھوں 

انسانوں کو خاص طور پر اپنے معاشرے میں جو کچھہ خواتین کے ساتھہ ھورھا ھے انکو تیزاب سے جلنے کی آذیت و  دکھ اور تکلیف میں دیکھہ کر بہت افسردہ ھوجاتی ھوں ۔ میری ٹیم انکا علاج کرتی ھے اور انکو روزگار بھی فراھم کرتی ھے 

تیزاب سے جلنے والے چہروں کا علاج بہت  مہنگا ھے  ۔ پاکستان میں اس طرح  کے واقعات بہت زیادہ ھوتے ھیں جب تک ان مجرموں کو سزا نیہں ملے گی ان واقعات میں ۔ اسی طرح اضافہ ھوتا رھے گا  ھم اپنے طور پر جلی ھوئ لڑکیوں کا علاج کروا  کر انکو جاب بھی دلواتے ھیں تاکہ وہ کسی پر بوجھہ نہ بنیں 

ھماری حکومت ان کاموں میں ھماری مدد نیہں کرتی ھے  بلکہ غیر ممالک کی طرف سے ھم کو بہت سراھا جاتا ھے اور ھماری ان خدمات کا اعتراف بھی کیا جاتا ھے ۔جلے ھوۓ بدھیبت چہروں کو دیکھنا ھی بہت دل گردے کا کام ھے آپ تو انکے ھمراہ اپنا بہت  وقت گذراتی ھیں اور علاج میں مدد کرتی ھیں انکو روزگار کے مواقع بھی فراھم کرتی ھیں ۔۔۔۔ 

رنگ خوبصورتی اور خوشبو کی دینا سے ایک بہت مختلف دینا میں جانا کیسا لگا ؟

شاھین یہ ایک بہت دشوار ترین راستہ ھے مگر مجھے ان دکھی خواتین کی مدد کرکے بہت مسرت ھوتی ھے ۔ مسخ چہروں کے علاج کا جذبہ مجھے روحانی خوشی دیتا ھے ۔انکے علاج کی مدت بہت طویل ھوتی ھے علاج بہت مہنگا بھی ھوتا ھے مگر پاکستان میں بہت سارے لوگ ھم کو  بہت ھی خاموشی سے ھماری مدد کرکے ھمارے ارادے  و ادارے کو مضبوطی عطا کرتے ھیں ۔مجھے اچھا لگتا ھے کہ میں بطور سماجی خدمت گار کے طور پر پہچانی جاوں

 رنگ حسن رعنائ کی دینا کے تقاضے ھی دوسرے ھوتے ھیں مسرت آپ نے کہاں سے سیکھا ؟

شوق تھا پھر ایک اداکارہ کے طور پربھی  میک اّ پ کا  بہت شوق و ذوق ھوتا ھے  ۔ میں نے دینا کے بہترین بیوٹی سینٹرز سے خوبصورت چہروں کو حسین ترین بنانے کی ٹریننگ لی اور مجھے یہ اعزآز بھی حاصل ھے  کہ بطور میک اّپ آرٹسٹ بھی کام کیا ھے عالمی سطح پر بھی میرے کام کو بہت عزت و توقیر کی نگاھوں سے دیکھا جاتا ھے