ائے کہیں ایسا نہ ہو. ....

اے میرے معبود !
میری حمد وستائش
تیرے ہی لیے ہے
تیرے بہترین فیصلوں پر
اور
اس بات پر
کہ
تو نے بلاؤں کا رخ مجھ سے موڑ دیا
اے میرے معبود!
اپنی رحمتوں میں سے میرا حصہ رکھنا
اسے خواہش دنیا تک نہ محدود رکھنا
ہائے ... کہیں ایسا نہ ہو
میں اپنی اس خواہش ودعا کی وجہ سے
آخرت کی سعادتوں سے محروم رہ جاؤں
اور .. کہیں ..ایسا نہ ہو
میں اپنی نا پسندیدہ خواہشوں کی وجہ سے
خوش بختی وسعادت سے محروم رہ جاؤں
ہائے .. کہیں ایسا نہ ہو ..
تندرستی میں بسر ہوئے دن رات میرے
کسی لازوال مصیبت کا پیش خیمہ نہ بن جائیں
ہائے کسی دائمی وبال کی تمہید ہی نہ ہو جائیں
اے میرے معبود !
اس زحمت واندوہ کو تو نے جو موخر کیا ہے
اسے میرے لئے مقدم کر دے
اور جس صحت وعافیت کو مقدم کیا ہے
اسے میرے لئے موخر کر دے
اے میرے معبود !
جس چیز کا نتیجہ فنا ہو وہ زیادہ کہاں
اور
جس چیز کا انجام بقا ہو بھلا وہ کم کہاں