برطانیہ کے شہر ریڈنگ میں مقیم شاعرہ،افسانہ نگار، تبصرہ نگار اور کالم نگار فرخندہ رضوی کی تازہ تصنیف ۔۔ قلم خندہ ۔۔۔ کی تقریب رونمائی گیارہ اکتوبر اتوار کے روز دوپہر دو بجے ریڈنگ کے پاکستانی کیمونٹی سینٹر میں منعقدہ ہوئی جس میں خواتین و حضرات کی بڑی تعداد نے شرکت کی اور لگ بھگ چار گھنٹے جاری رہنے والی اس تقریب سے مختلف طبقہ فکر کے احباب نے خطاب کیا
تقریب کی صدارت شاعر،ادیب،مرثیہ نگار،محقق اور عالمی اخبار کے مدیر اعلیٰ صفدر ھمدانی نے کی ، مہمان خصوصی معروف نیوز کاسٹر اور بی بی سی لندن کی صحافی ماہ پارہ صفدر تھیں جبکہ لاہور سے لندن نجی دورے پر تشریف لائیں شاعرہ
نیلما درانی مہمان اعزازی تھیں
نظامت کے فرائض نور الصباح سیمی برلاس نے ادا کیئے
آسٹریلیا سڈنی سے نظم کی شاعرہ اور افسانہ نگار و کالم نگار ڈاکٹر نگہت نسیم نے ٹیلی فون کے ذریعے اپنے خیالات کا اظہار کیا
فرخندہ رضوی کے فن اور شخصیت پر اظہار خیال کرنے والوں میں عذرا ناز، برطانیہ کے شہر ڈربی سے ناہید چٹھہ،فرزانہ فرحت،مشتاق لاشاری، فرحت خان، امجد مرزا،ناہید حیات،یشب تمنا،بانو ارشد اور کینڈا سے تشریف لائے ادیب اور شاعر اشفاق حسین شامل تھے
سعیدہ مغل اور نعیم سلہریا نے فرخندہ رضوی کا کلام ترنم اور گائیکی میں پیش کیا جسکے بعد کتاب کی رونمائی ہوئی اور شرکا کو عشائیہ پیش کیا گیا
تقریب کی تفصیلی رپورٹ جلد پیش کی جائے گی
تقریب کی چند تصاویر پیش خدمت ہیں
(0) آپکی رائے
پرنٹ
احباب کو بتائیے
اُوپر