بیلجئیم کے دورے پر آئے ہوئے صوبہ سندھ کے وزیرِ تعلیم جناب پیر مظہرالحق نے پیپلز پارٹی کے سینئر کارکن جناب ملک اجمل کی دعوت پر پاکستان پریس کلب بیلجئم کے ساتھ پریس کانفرنس میںخطاب کرتے ہوئے کہا کہ جج بحال کر دینے سے عدلیہ بحال نہیں ہو جاتی.

 انہوں نے کہا کہ پاکستان پیپلز پارٹی ہمیش ایسے حالات میں بر سرِ اقتدار آئی ہے کہ آمریت نے ملک کی جڑیں کھوکھلی کی ہوئی ہوتی ہیں، اور الجھے ہوئے معاملات کو سلجھانے میں کم از کم دو سال لگ جاتے ہیں.

چیف جسٹس کی بحالی کے بارے میں بات کرتے ہوئے انہوں نے کہا کہ جج بحال کرنے سے عدلیہ بحال نہیں ہو جاتی اس کے لیئے ججوں کو بحال ہم نے بھی بحال کرنا تھا لیکن ابھی صحیح وقت اور طریقہ کار کا انتظار تھا. لیکن حالات کے مدِنظر پاکستان کی بقا کے لیئے ان حالات میں کرنا پڑا.

ایک سوال کے جواب میں انہوں نے کہا کہ نظامِ عدل کے نفاذ کا سہرا ہمارے سر با دلِ ناخواستہ باندھا گیا ہے، یہ کوئی طریقہ نہیں ہے کہ بندوق کے زور پر اپنی پسند کی شریعت نافذ کرا لی جائے. یہ طریقہ کار درست نہیں ہے اور غیر آئینی ہے.

نظامِ تعلیم کی بہتری کے بارے میں ایک سوال کے جواب میں انہوں نے کہا کہ ہم ہر ضلع کو دس کروڑ روپے سالانہ تعلیم کی بہتری کے لیئے دیتے ہیں لیکن ضلعی نظام اتنا صحت مند نہیں ہے اور انکی کرپشن تعلیم کو بہتر نہین ہونے دیتی.بحرحال ہم اسکی بہتری کی کوشش کر رہے ہیں اور پر امید ہیں

اگلے روز پاکستان پیپلز پارٹی کے بیلجیئم کے صدر حاجی وسیم اختر کی طرف سے دئے گئے عشائیے میں وزیر صاحب کے التماس پر نوڈیرو جو کہ محترمہ بے نظیر آبائی گاؤں ہے کے ہسپتال کے لیئے اور دادو کے گاؤں جو کہ پیر صاحب کا آبائی گاؤں ہے کے لیئے ملک اجمل اور شیخ شکیل صاحب جو کہ پارٹی کے سینئر عہدہ دار ہیں نے ایک ایک ایمبولینس کا وعدہ کیا اور ملک اجمل صاحب نے نوڈیرو کے سکول کیلیئے ایک سکول وین دینے کا بھی اعلان کیا

بلجیم میں پیر مظہر الحق کااستقبال۔

برسلز۔شاہد فاروقی۔سنیئر منسٹر فار ایجوکیشن اینڈ لٹریسی ڈیپارٹمنٹ اور پی پی پی ایگزیکٹو کمیٹی کے ممبر پیر مظہر الحق کی بلجیم
آمدپر ان کا والہانہ استقبا ل کیا گیا ۔ پاکستان پیپلز پارٹی بلجیم کے صدر حاجی وسیم اختر، سنیئر راہنماء ملک محمد اجمل،حاجی
قمرزمان آف سیکر آلی، شیخ محمد شکیل،محمد نواز بٹ ،ڈاکٹر عامراور تصاویر میں انہیں انتہائی گرم جوشی سے مصافحہ کرتے ہوئے
نظر آر ہے ہیں۔

تصاویر۔۔ محمد ندیم بٹ