کب ایسا دوسرا کوئی رب کا رسول ہے 

۔۔۔۔۔۔۔

 احمد ہیں مجتبی ہیں محمد ہیں مرتضیٰ 

ہر نام  ان کا خوشبوئے باغ بتول ہے

۔۔۔۔۔۔۔

بطحا کی خاک خون کی صورت رگوں میں دوڑ  

اس خون میں بھی نام محمد نزول ہے 

۔۔۔۔۔۔۔۔

جیتی ہوں میرے آقا فقط آپ کے لیئے

اور آپ ہی کے نام پہ مرنا قبول ہے 

۔۔۔۔۔۔۔۔۔۔

عاصی کو اپنی کملی میں مولا چھپا لیں آپ 

یہ زندگی وگرنہ مثالِ ببول ہے 

۔۔۔۔۔۔۔

مکے کو یا مدینے کو مسکن کرؤ مرا 

مجذوب بن کے رہنا بھی مجھکو قبول ہے

 

۔۔۔۔۔۔۔۔

 خاک نجف بھی کم نہیں خاک مدینہ سے 

چہرے کا میرے غازہ مدینے کی دھول ہے 

۔۔۔۔۔۔

ناکامیوں کا خوف بھلا ہو تو کیوں مجھے 

نام نبی تو روح میں میری حلول ہے 

۔۔۔۔۔۔۔

میں غرق عشق آل محمد میں ہوں نسیم 

انکی عنایتوں کا تو یہ بھی نزول ہے