بیلجیئم میں پولیس نے گزشتہ سال نومبر میں پیرس اور گزشتہ ماہ برسلز میں ہونے والے دہشت گرد حملوں کے دو مبینہ ملزمان کو حراست میں لینے کا دعویٰ کیا ہے۔

حکام کے مطابق محمد عبرینی نامی ایک ملزم کی عمر 31 سال ہے جسے جمعے کو گرفتار کیا گیا ہے۔ مراکشی نژاد بیلجئن شہری پر شبہ ہے کہ یہ وہی شخص ہے جس کی ویڈیو گزشتہ ماہ برسلز کے ہوائی اڈے پر ہونے والے دھماکوں کے بعدوہاں سے فرار ہوتے ہوئے ایک کیمرے نے ریکارڈ کی تھی۔

ہوائی اڈے کے کیمرے سے ریکارڈ ہونے والی ویڈیو میں ملزم کا چہرہ ایک ہیٹ سے چھپا ہوا تھا جس کے باعث بیلجئن ذرائع ابلاغ نے اسے "ہیٹ پہنے ہوئے پراسرار شخص" کا نام دیا تھا۔

اگر اس بات کی تصدیق ہوگئی کہ محمد عبرینی وہی شخص ہے جو ویڈیو میں نظر آیا تھا تو اس کا مطلب ہوگا کہ ملزم نے پیرس اور برسلز میں ہونے والے حملوں میں سرگرم کردار ادا کیا تھا۔

عبرینی کی ایک ویڈیو 13 نومبر کو پیرس میں ہونے والے حملوں سے عین قبل فرانس کے دارالحکومت کی طرف جانے والی مرکزی شاہراہ پر واقع ایک سروس اسٹیشن پر نصب کیمرے نے بھی ریکارڈ کی تھی۔

اس ویڈیو میں عبرینی کے ہمراہ پیرس حملوں کا ایک اور مرکزی ملزم صلاح عبدالسلام بھی تھا جو اس وقت برسلز پولیس کی تحویل میں ہے۔

عبرینی پیرس حملوں میں ملوث ملزمان کے گروہ کا آخری فرد تھا جو پولیس کی جانب سے شناخت کیے جانے کے باوجود بدستور مفرور تھا۔

بیلجئن پولیس نے جمعے کو ایک اور مشتبہ شخص کو بھی حراست میں لینے کا دعویٰ کیا ہے جس پر 22 مارچ کو برسلز کے مائل بِیک سب وے اسٹیشن پر ہونے والےدھماکے میں ملوث ہونے کا شبہ ہے۔

امریکی صدر براک اوباما نے قوم سے اپیل کی ہے کہ برسلزحملوں کے بعد مسلمانوں کو بھرا بھلا نہ کہیں، مسلمانوں کے خلاف بات کرنے سے شدت پسندوں کو فائدہ ہوگا۔

ترجمان امریکی حکومت کے مطابق قوم سے ریڈیو خطاب کرتے ہوئے امریکی صدر کا کہنا تھا کہ امریکا کی ترقی و خوشحالی میں دہشتگرد گروپوں کا اسلام سے کوئی تعلق نہیں،امریکی قوم برسلز حملوں کے بعد مسلمانوں کی توہین نہ کرے۔ 

براک اوباما کا مزید کہناتھا کہ مسلمانوں کے خلاف بات کرنے سے شدت پسندی بڑھے گی۔ جس کا فائدہ صرف شدت پسند اور دہشتگرد گروپوں کو ہوگا۔ امریکی صدر نے خطاب دوران واضح کیا ہے کہ داعش کے خلاف جنگ میں مسلمانوں کا کردار اہم ہے۔

بیلجیئم کے وزیر داخلہ نے خودکش حملہ آور کے متعلق ترک وارننگ کو نظرانداز کرنے کی غلطی تسلیم کر لی، ان کا کہنا ہے کہ وہ مستعفی ہونے کیلئے تیار ہیں۔

غیرملکی خبر رساں ایجنسی کے مطابق بیلجیئم کے وزیر داخلہ جان جمبون نے دارالحکومت برسلز میں میڈیا کو بتایاکہ انہوں نے براہم خالد کے متعلق ترک وارننگ کو نظر انداز کرکے بڑی غلطی کی جس کی وجہ سے انہوں نے مستعفی ہونے کی پیشکش کی تھی لیکن وزیراعظم چارلس مائیکل نے مستعفی ہونے سے منع کر دیا۔ترک صدر رجب طیب اردگان نے بدھ کے روز کہا تھا کہ برسلز حمہ آور خالد کو استنبول میں گرفتار کر کے ہالینڈ کے حوالے کیا گیا تھا۔ اور یورپی ممالک کو خودکش حملوں کی وارننگ دی گئی تھی۔لیکن بیلجیم نے اس وارننگ کو نظرانداز کر دیا تھا۔ اس سے پیرس حملوں کے ماسٹر مائنڈ صالح عبد السلام کو عدالت لایا گیا۔ اور وکیل استغاثہ نے صالح کو مزید ایک ماہ تک برسلز کی جیل میں رکھنے کی درخواست کی۔

عدالت صالح کو جیل  میں رکھنے کے متعلق فیصلہ جلد سنائے گی۔وہاں پیرس نے بھی بیلجیئم سے درخواست کی ہے کہ صالح عبد السلام کو فرانس کے حوالے کیا جائے۔برسلز بم حملوں کے بعد ائیرپورٹ کو پیر سے کھولا جائے گا۔جبکہ میٹرو ٹرین اور بسیں بھی چلنا شروع ہوجائیں گی۔

برسلز......بیلجیم پولیس نے برسلز حملوں کے الزام میں چھ افراد کو گرفتار کر لیا۔ حکام کا کہنا ہے کہ دہشت گرد پیرس طرز کے حملے اور نیوکلیئر پاور پلانٹ کو نشانہ بنانا چاہتے تھے۔

فرانس میں بھی ایک مشتبہ شخص کو گرفتار کرکے دہشت گردی کا منصوبہ ناکام بنانے کا دعویٰ کیا گیا ہے۔برسلزمیں 3مقامات پرچھاپوں کےدوران 6افرادکو گرفتارکیاگیاہے،جن پرالزامات عائدکرنےکافیصلہ آج ہوگا۔

برسلزکےائرپورٹ اورمیٹرواسٹیشن کونشانہ بنانے والے دہشت گردوں کےبارےمیں اب بیلجیم حکام نے دعویٰ کیاہے کہ وہ پیرس طرز کے حملے کرنا چاہتے تھےاورملک کے نیوکلیئر پلانٹس بھی ان کاہدف تھا لیکن صالح عبدالسلام کی گرفتاری کے بعد انہوں نےارادہ بدل کرفوری کارروائی کردی۔

امریکی حکام نےبھی تصدیق کی ہے کہ برسلز حملوں کے دونوں خودکش بمبار بھائی ابراہیم ا اور خالد البکروای کا نام امریکا کے انسدادِ دہشت گردی کی فہرست میں شامل تھا۔

چارماہ پہلےدہشت گردی کانشانہ بنائےگئے پیرس میں بھی ایک مشتبہ شخص کوحراست میں لے لیا گیا ہے۔ حکام کاکہناہےکہ فلیٹ سے گرفتار شخص کا تعلق دہشت گردوں سے ہے جو پیرس میں نئے حملوں کی تیاری کر رہے تھے۔ یورپ کےعوام حیرت زدہ ہیں کہ آخر ایک کے بعد دوسرا شہر کیوں دہشت گردوں کا نشانہ بن رہا ہے۔