لاہور کے دو مختلف مقامات پر پولیس نے سرچ آپریشن کے دوران 35 سے زائد افراد کو حراست میں لے لیا جبکہ کرایہ داری ایکٹ پر عملدرآمد نہ کرنیوالے 10 افراد کو بھی گرفتار کر لیا گیا ہے۔
لاہور میں پولیس نے اقبال ٹاؤن اور سبزہ زار کے علاقے میں سرچ آپریشن کیا ہے۔ اقبال ٹاؤن میں واقع مون مارکیٹ میں گرینڈ سرچ آپریشن کے دوران 35 سے زاہد مشکوک افراد کو حراست میں لے لیا گیا ہے جبکہ سبزہ زار کے علاقے ملتان روڈ کے قریب سرچ آپریشن کے دوران کرایہ داری ایکٹ پر عملدرآمد نہ کرنیوالے 10 افراد کو گرفتار کر لیا گیا۔
پولیس کے مطابق کرایہ داری ایکٹ کے تحت تھانہ سبزہ زار میں 5 مقدمات درج کئے گئے ہیں۔ آپریشن اور انویسٹی گیشن پولیس نے مشترکہ آپریشن کے دوران کرایہ داروں کے کوائف کی مکمل چھان بین بھی کی اور شہریوں کے کوائف کی تصدیق کیلئے بائیو میٹرک ڈیوائس کا استعمال بھی کیا گیا تاہم شناخت پیش کرنیوالے افراد کو رہا کردیا گیا۔
(0) آپکی رائے
پرنٹ
احباب کو بتائیے
اُوپر