سعودی عرب کے بادشاہ شاہ سلمان نےاتوار کے روز مصری پارلیمنٹ سے خطاب کیا ہے۔ 

وہ مصر کے پانچ روزہ دورے پر ہیں۔ شاہ سلمان کا خطاب صرف چھ منٹوں پر محیط تھا اور اِس میں انہوں نے سعودی عرب اور مصر کے درمیان بحیرہ احمر پر ایک طویل پل قائم کرنے کا خاص طور پر ذکر کیا۔ 

پل تعمیر کرنے کا تصور مصری صدر نے سعودی شاہ کو پیش کیا تھا۔ پارلیمنٹ میں داخل ہونے پر اراکین نے شاہ سلمان کا شاندار استقبال کیا۔ بعض اراکین پارلیمنٹ سعودی پرچم بھی اٹھائے ہوئے تھے۔ 

سعودی عرب برسوں سے مصر کا اقتصادی اور سیاسی حلیف ملک ہے لیکن شاہ سلمان کے دور میں تعلقات مزید بہتر ہوئے ہیں۔