چیئرمین تحریک انصاف عمران خان نےامیر جماعت اسلامی سراج الحق سے ٹیلیفون پر رابطہ کیا ہے۔ دونوں رہنماؤں میں ملکی صورتحال پر تبادلہ خیال اور پاناما لیکس کے معاملے پر بھرپور مہم چلانے پر اتفاق کیا گیا ہے۔ عمران خان نے سراج الحق کو رائیونڈ مارچ میں شرکت کی بھی دعوت دی ہے۔

تحریک انصاف کے چیئرمین عمران خان نے جماعت اسلامی کے امیر سراج الحق سے رابطہ کیا ہے۔۔۔ ذرائع کے مطابق عمران خان کے سراج الحق سے رابطے کے دوران پاناما لیکس کے معاملے پر تبادلہ خیال کیا گیا ہے۔

ٹیلی فونک رابطے کے دوران چیئرمین تحریک انصاف نے سربراہ جماعت اسلامی کو پاناما لیکس کے بارے میں مشترکہ لائحہ عمل بنانے کی دعوت دی ہے۔ عمران خان نے سراج الحق کو رائے ونڈ مارچ میں شرکت کی بھی دعوت دی ہے۔

ذرائع کا کہنا ہے کہ پاناما لیکس پر مشترکہ لائحہ عمل کیلئے تحریک انصاف کے رہنما شاہ محمود قریشی کی قیادت میں پی ٹی آئی کا وفد سراج الحق سے ملاقات بھی کرے گا۔