جنوبی کوریا کے ايک ذرائع نے دعوٰی کیا ہے کہ شمالی کوریا کی جانب سے آج کیا جانے والا بیلسٹک میزائل کا تجربہ ناکام ہو گیا ہے۔ اس بیان میں کہا گیا ہے کہ پیونگ یانگ کی جانب سے ملک کے مشرقی ساحل سے اس میزائل کو داغنے کی ناکام کوشش کی گئی۔ 

’موسودان‘ طرز کے اس میزائل کے بارے میں کہا جاتا ہے کہ یہ چار ہزار کلرمیٹر کے فاصلے تک اپنے ہدف کو نشانہ بنانے کی صلاحیت رکھتا ہے۔ اطلاعات کے مطابق یہ تجربہ خصوصی طور پر شمالی کوریا کے بانی رہنما کم ان سونگ کی سالگرہ کی تقریب کے موقع پر کیا گیا۔ سونگ شمالی کوریا کے موجودہ رہنما کم یونگ ان کے دادا تھے۔