پاک سرزمین پارٹی کے رہنماؤں مصطفی کمال، انیس قائم خانی، رضا ہارون سمیت دیگر نے لانڈھی شیرپاؤ کالونی اور کورنگی نمبر پانچ کا دورہ اورعوامی جلسوں سے خطاب کیا۔

لانڈھی اور کورنگی میں پاک سرزمین پارٹی کے رہنماؤں کی آمد پر اہل علاقہ کی جانب سے پرتباک استقبال کیا گیا۔

عوام سے خطاب میں مصطفٰی کمال نے کہا کہ ہم کراچی میں کسی کی طاقت چھیننے نہیں آئے۔ بتانے آئے ہیں کہ یہاں دو نسلوں کو نسلی تعصب کی بھینٹ چڑھا دیا گیا ہے۔

مصطفٰی کمال نے کہا کہ ایک دوسرے کی جان لینے کے بجائے محبت کی بات کی جائے میں اور میرے ساتھیوں نے آئندہ آنے والی نسلوں کوبچانے کے لیے سچ بولا ہے۔

مصطفٰی کمال نے کہا کہ چوبیس اپریل کو باغ جناح میں لاکھوں کی تعداد میں عوام جمع ہوں گے۔ 

چوبیس اپریل کو عوام بتا دیں گے کہ قوم پرستی نہیں وطن پرستی اہم ہے۔