امریکی صدر باراک اوباما اور روسی صدر ولادیمر پوٹن کے درمیان ٹیلی فونک رابطہ ہوا ہے۔ امریکی صدر نے روسی ہم منصب پر زور دیا ہے کہ وہ بشار الاسد حکومت پر اپنا اثرورسوخ استعمال کریں۔

وائٹ ہاؤس سے جاری بیان میں کہا گیا ہے کہ دونوں رہنماؤں کے درمیان شام کی صورتحال اور تمام فریقین کی جانب سے جنگ بندی پر عملدرآمد کو یقینی بنانے پر بات چیت کی گئی ہے

۔روسی صدر نے بات چیت کے دوران کہا کہ شام اور سرحدی علاقوں میں سیاسی تبدیلی روس اور امریکا کے مفاد میں ہے، جبکہ وائٹ ہاؤس نے کہا کہ اوباما نے شامی حکومت کو حزب اختلاف پر جارحانہ حملوں سے روکنے کی اہمیت پر زور دیا ہے۔ دونوں صدور نے یوکرین کے مسئلے پر بھی بات چیت کی۔