سیکیورٹی وجوہات کے باعث اقبال ڈے کی تمام تقریبات کو منسوخ کردیا گیا، جبکہ بادشاہی مسجد اور شاہی قلعہ بھی دوروز کےلیے بند کردیا گیا۔حکیم الامت، شاعر مشرق ڈاکٹر علامہ محمد اقبال کی آج اٹھترویں برسی منائی جا رہی ہے۔ 

لاہور میں بادشاہی مسجد کے پہلو میں واقع ڈاکٹر علامہ محمد اقبال کے مزار پر ہر سال اکیس اپریل کو ان کی برسی کے موقع پر گارڈز تبدیلی کی پرُوقار تقریب منعقد کی جاتی ہے، تاہم اس سال سیکیورٹی وجوہات کی بناء پر تمام تقریبات کو منسوخ کردیا گیا۔سیکیورٹی خدشات کے باعث علامہ اقبال کے مزار سمیت بادشاہی مسجد اور شاہی قلعہ کو بھی دوروز کےلیے بند کردیا گیا ہے۔