چوہدری نثار کا کہنا ہے کہ ڈاکوؤں کے خلاف آپریشن میں فوج کی مددلینے میں کوئی مضائقہ نہیں ہے۔ فوج کاکام اندرونی معاملات میں بھی مددفراہم کرنا ہے۔ ان کا کہنا تھا کہ پوارملک چاہتاہے کہ پانامالیکس کی شفاف تحقیقات ہوں۔

عالمی انسداد منشیات کانفرنس میں شرکت کے بعد وزیر داخلہ چوہدری نثار اور ملیحہ لودھی نے مشترکہ پریس کانفرنس کی۔ اس موقع پر چوہدری نثار کا کہنا تھا کہ ڈاکوؤں کےخلاف آپریشن میں فوج کی مددلینے میں کوئی مضائقہ نہیں ہے، جبکہ آئین میں فوج صرف سرحدوں کی محافظ نہیں ہوتی، فوج کاکام اندرونی معاملات میں بھی مددفراہم کرنا ہے

۔ان کا کہنا تھا کہ کراچی میں فوج نہیں پولیس اور رینجرز کارروائیاں کررہی ہے۔ ایم کیوایم کے ارکان اسمبلی بتائیں کہ ان پر کون دباؤ ڈال رہاہے۔ چوہدری نثار کا یہ بھی کہنا تھا کہ پاکستان میں منشیات اسمگلنگ کےخلاف کامیاب کارروائیاں کی گئیں ہیں، جبکہ ماضی کے مقابلے میں موجودہ دورمیں دہشتگردی کم ہوئی ہے۔ان کا مزید کہنا تھا کہ پانامالیکس کے انکشافات کے بعد وزیراعظم کے خاندان پر کئی سوالات اٹھائےگئے، جبکہ پورا ملک چاہتاہے کہ پانامالیکس کی شفاف تحقیقات ہوں۔