جماعت اسلامی اور پیپلز پارٹی نے پاناما لیکس کی تحقیقات کے لیے سپریم کورٹ کو خط لکھنے کا فیصلہ کرلیا۔ اپوزیشن لیڈر خورشید شاہ کی جانب سے امیر جماعت اسلامی سینٹر سراج الحق سے رابطہ۔اپوزیشن لیڈر خورشید شاہ کی جانب سے امیر جماعت اسلامی سینٹر سراج الحق کو ٹیلی فون کیا جس میں ملک کی موجودہ سیاسی صورتحال پر تبادلہ خیال کیا گیا۔ 

ذرائع کے مطابق دونوں رہنماوں کے درمیان اس بات پر اتفاق رائے پایا گیا کہ پاناما لیکس کی تحقیقات کے لیے سپریم کورٹ کو خط لکھا جائے اور ان سے اپیل کی جائے کہ وہ اس معاملے پر آگے آئیں

اپوزیشن لیڈر خورشید شاہ کا کہنا تھا کہ پاناما لیکس کی تحقیقات کے لیے حکومت پر دباو ڈالنے کے لیے اپوزیشن جماعتوں کو اکٹھے ہونا ہوگا۔ اگر فوجی سربراہ اپنے گھر سے احتساب کا عمل شروع کرسکتا ہے تو موجودہ حکومت کیوں نہیں۔ سینٹر سراج الحق نے کہا کہ سپریم کورٹ پر ہی پوری قوم کو اعتماد ہے اور وہ ہی اس مسئلے کا حل نکال سکتی ہے۔ انہیں اپیل کی جائے کہ وہ پاناما لیکس کی تحقیقات کریں۔