وزیراعلی سندھ قائم علی شاہ نےرینجرز کےاختیارات میں77روز کی توسیع دے دی ہے۔جس کے تحت رینجرزکو 4 مئی سے 19 جولائی تک اختیارات حاصل ہوگئے ہیں

۔وزیر اعلی سندھ نے اختیارات میں توسیع کی سمری پر دستخط کر دیےہیں۔رینجرز اختیارات کی مدت 3 مئی منگل کو مکمل ہوگئی تھی۔پیپلز پارٹی سے تعلق رکھنے والی سندھ حکومت نے رینجرز اختیارات میں توسیع انسداد دہشتگردی ایکٹ کے تحت دی ہے۔

رینجرز کے اختیارات میں توسیع کے لیےسمری سے متعلق وفاق نے سندھ حکومت کو خط ارسال کیاتھا۔ڈی جی رینجرز سندھ بلال اکبر نے منگل (کل)کو وزیر اعلی سندھ سے ملاقات بھی کی تھی اور صوبے میں جاری رینجرز آپریشن، امن وامان کی صورتحال پر تبادلہ خیال کیا تھا۔