امریکی وزیر دفاع ایشٹن کارٹر نے کہا ہے کہ شورش زدہ ملک عراق میں پرتشدد حالات میں اضافے کا قوی امکان ہے۔ کارٹر نے یہ بیان عراق میں ایک امریکی بحریہ کے کمانڈو کی ہلاکت کے تناظر میں دیا ہے۔ امریکی کمانڈو عراق کے شمالی علاقے میں کل منگل کے روز مارا گیا تھا۔ 

امریکی وزیر دفاع کے مطابق ’اسلامک اسٹیٹ‘ کے علاقے کو محفوظ قرار دینے کا مطلب بقیہ تمام لوگوں کی جان و مال کو مزید خطرات میں ڈالنا ہے۔ 

ایشٹن کارٹر اِس وقت جرمن شہر اشٹٹ گارٹ میں اسلامک اسٹیٹ کے خلاف قائم امریکی عسکری اتحاد کے رکن ملکوں کی میٹنگ میں شریک ہیں۔