ایبٹ آباد میں سات روز قبل زندہ جلائے جانےوالی لڑکی کے قاتلوں کا سراغ لگا لیا گیا۔ قتل کےالزام میں ایبٹ آباد پولیس نے سترہ میں سے چودہ ملزمان کوحراست میں لےلیا۔گزشتہ دنوں ایبٹ آباد میں جلائی جانے والی عنبرین کے قتل کامعمہ حل ہوگیا۔ عنبرین کو پسند کی شادی کرنے والی دوست کی مدد کرنا پر غیرت کے نام پر قتل کیا گیا۔

ذرائع کے مطابق ایبٹ آباد کی رہائشی صائمہ نے اہل خانہ کی مرضی کے بغیر شادی کی جس کے بعد نوبیاہتا جوڑا موت کے خوف سے فرار ہوگیا۔ فرار کے بعد غیر قانونی طور پر جرگہ بیٹھا، جس نے عنبرین پر صائمہ کے فرار میں سہولت کاری کاالزام لگاتے ہوئے عنبرین کو غیرت کے نام پرقتل کرنے کا حکم دے دیا۔

ملزمان کی جانب سے عنبرین پہلے نشہ آور دوا پلائی  پھر گلا دبا کر قتل کردیا گیا، اس کے بعد لاش گاڑی میں رکھ کر آگ لگادی گئی۔ پولیس نے واردات کے بعد تفتیش شروع کرکے سترہ ملزمان میں سے چودہ کو گرفتار کرلیا، جبکہ تین  کی تلاش جاری ہے۔