ترجمان سندھ پولیس کے دفتر سے جاری ایک اعلامیئے کے مطابق آئی جی سندھ اے ڈی خواجہ نے ٹریفک پولیس کی مبینہ رشوت وصولی کے حوالے سے اخبارات میں شائع ہںونیوالی خبر پر نوٹس لیتے ہںوئے اے آئی جی آپریشنز سندھ اورڈی آئی جی ٹریفک سے خبر کے مندرجات پر تفصیلی انکوائری رپورٹ طلب کرلی ہے ۔

ترجمان سندھ پولیس کے مطابق آئی جی سندھ نے ڈی آئی جی ٹریفک کراچی کو ہدایات جاری کی ہیں کہ اخبارات میں تریفک پولیس سے منسوب خبر کے مندرجات اور اسکے تحت الزامات انتہائی سنجیدہ نوعیت کے ہیں لہٰذا اس ضمن میں جامع انکوائری کرکے حقائق کو سامنے لایا جائے اور رپورٹ کی روشنی میں غیر جانبدارانہ کاروائی کو یقینی بناتے ہںوئے جملہ تفصیلات برائے ملاحظہ جلد ارسال کی جائیں ۔

انہوں نے کہا کہ شہریوں کو ٹریفک کے حوالے سے جملہ سہولیات میں مفاد عامہ کو مقدم رکھا جائے 

۔ٹریفک کی روانی کے حولے سےمتبادل روٹس ، ٹریفک لائٹس سگنلز ، اہم شاہراہںوں ، چوراہںوں ، یو ٹرنز ، اور ٹریفک جنکشنز پر ٹریفک اہلکاروں کی ڈپلائمنٹ کے ساتھ ساتھ تمام سیکشن افسران ٹریفک کو علاقوں میں موجودگی کے تحت جملہ اقدامات کی نگرانی کا بھی پابند بنایا جائے ۔

انہوں نے کہا کہ ٹریفک قوانین کے نفاذ اور عمل درآمد کے مجموعی اقدامات کو غیر معمولی بنایا جائے تاکہ ٹریفک حادثات کے انسدادی اقدامات کو موُثر اور مربوط بنایا جاسکے ۔ انہوں نے کہا کہ اوور اسپیڈنگ ، لوڈنگ ، لین ڈسپلن ، ٹریفک لائٹس سگنلز ، ون وے روٹ کی خلاف ورزی وغیرہ اور کم عمر افراد کی ڈرائیونگ جیسی خلاف ورزیوں کی روک تھام کو ناصرف یقینی بنایا جائے بلکہ ملوث عناصر کے خلاف تمام ضروری کاروائیوں کو بھی ممکن بنایا جائے