امریکی صدارتی امیدوار کیلئے حزب اختلاف کی جماعت ری پبلکن پارٹی کے نامزدگی کے خواہش مند ڈونلڈ ٹرمپ نے کہاہے کہ لندن کے نو منتخب میئر صادق خان امریکا آسکتے ہیں، ان کو مسلمانوں پر واشنگٹن میں داخلے کی پابندی سے استثنیٰ حاصل ہوگا۔

غیر ملکی خبر رساں ایجنسی کے مطابق ڈونلڈ ٹرمپ کا امریکا میں تقریب کے دوران ایک صحافی کے سوال پر کہناتھا کہ صادق خان کے لندن کے میئر منتخب ہونے پر انہیں خوشی ہوئی ہے اور صادق خان ایک اچھے مسلمان کی بہترین مثال ہے، جبکہ مثالی کارکردگی دکھانے والوں کیلئے امریکا کے دروازے کھلے ہوئے ہیں۔

لیبر پارٹی سے تعلق رکھنے والے پاکستانی نزاد لندن کے نو منتخب میئر نے برطانوے اخبار کو دئے گئے انٹرویو میں کہا تھا کہ وہ امریکا نیویارک اور شکاگو شہروں کے بڑے شہروں میں جاکر وہاں کے میئرز سے ملنا اور وہاں کے مقامی نظام کو دیکھنا چاہتے ہیں کہ وہ کونسے مقامی حکومت کے نظام کے تحت کام کررہے ہیں اور کونسے پروگرام چلارہے ہیں، تاہم انہیں امریکا آٹھ نومبر سے پہلے جانا ہوگا، اگرٹرمپ منتخب ہوئے تو مسلمانوں کی آمریکا جانے پر پابندی ہوگی۔