ترک صدر رجب طیب ایردوآن نے کہا ہے کہ یورپی یونین ترک باشندوں کے لیے ویزہ فری انٹری کے راستے میں رکاوٹیں کھڑی کر رہی ہے۔ 

ترک صدر کا کہنا تھا کہ معاہدہ ہونے کے بعد یونین کے طرف سے ایسی 72 شرائط عائد کی گئیں، جو پہلے نہیں تھیں۔

 ان کا کہنا تھا کہ وہ اس انتظار میں ہیں کہ یورپی یونین ترکوں کے لیے ویزے کے شرائط میں نرمی کرے گی۔ دوسری جانب یورپی پارلیمان کا کہنا ہے کہ جب تک انقرہ حکومت یورپی یونین کی شرائط پورا نہیں کرتی، تب تک اس موضوع پر کوئی پارلیمانی بحث یا مشاورت بھی نہیں ہو سکتی۔