سابق وزیر داخلہ رحمان ملک کا کہنا ہے کہ پانامہ لیکس کی تحقیقات کا سارا بوجھ چیف جسٹس کے کندھوں پر ڈالنا درست نہیں۔ نواز شریف کے استعفے سے متعلق بلاول بھٹو کے بیان پر پوری جماعت ان کے ساتھ ہے۔لندن روانگی سے قبل میڈیا سے گفتگو کرتے ہوئے رحمان ملک کا کہنا تھا کہ آصف ذرداری سے ملاقات کے لیے لندن جارہا ہوں، تاہمعمران خان کی لندن روانگی کا علم ہے اور نہ ہی کوئی ملاقات طے ہے

 ان کا کہنا تھا کہ موجودہ حالات میں پیپلزپارٹی مثبت اپوزیشن کا کردار ادا کررہی ہے، جبکہ نوازشریف کے استعفے سے متعلق پارٹی میں کوئی اختلاف نہیں ہے، بلاول بھٹو کی قیادت میں پارٹی رہنماء متحد ہیں۔ان کا کہنا تھا کہ ملک کو داخلی اور خارجی سطح پر چیلنجز کا سامنا ہے، جبکہ کچھ دشمن عناصر پاکستان کو نقصان پہنچانا چاہتے ہیں۔ امیر جماعت اسلامی بنگلہ دیش مطیع الرحمن کی پھانسی کی مذمت کرتے ہوئے رحمان ملک کا کہنا تھا کہ بنگلہ دیش کا یہ عمل بنیادی انسانی حقوق کے خلاف ہے۔