آسٹریلیا نے پانچ افراد پر ایک چھوٹی کشتی کے ذریعے انڈونیشیا پہنچنے، پھر وہاں سے فلپائن اور بالآخر شام پہنچ کر دہشت گرد تنظیم اسلامک اسٹیٹ میں شمولیت کی منصوبہ بندی کا الزام عائد کر دیا ہے۔

ان افراد کو رواں ہفتے حراست میں لیا گیا تھا۔ بتایا گیا ہے کہ ان افراد کی عمریں 21 سے 31 برس کے درمیان ہیں۔ ان افراد پر الزام عائد کیا گیا ہے کہ یہ ملک سے غیرقانونی طور پر فرار ہو کر پرتشدد کارروائیوں کا حصہ بننا چاہتے تھے۔ اگر ان افراد پر یہ الزام ثابت ہو گیا، تو انہیں عمر قید کی سزا ہو سکتی ہے۔