یورپی کمیشن نے پولینڈ کو خبردار کیا ہے کہ اگر وارسا حکومت نے قانون کی حکمرانی کے حوالے سے مثبت پیش رفت ظاہر نہیں کی تو تادیبی کارروائی کا امکان ہے۔

 پولینڈ نے اِس مناسبت سے کہا ہے کہ مزید وقت درکار ہے اور حالیہ مذاکرات میں اختلافات میں کمی پیدا ہوئی ہے۔ 

دوسری جانب کمیشن نے پولینڈ میں قانون کی حکمرانی کے حوالے سے انکوائری کا آغاز کر دیا ہے کہ اِس مناسبت سے کونسے نئے خطرات ابھرے ہیں۔ 

یہ انکوائری پولینڈ میں قوم پرست حکومت کی جانب سے دستور میں تبدیلیاں لانے کے ارادے کے حوالے سے پیدا ہونے والے خدشات کے تناظر میں ہے۔ 

پولستانی دستوری عدالت بھی ان تبدیلیوں کے حوالے سے اپنی تشویش ظاہر کر چکی ہے۔