ٹڈاپ اسکینڈل میں یوسف رضا گیلانی کی مزید پانچ مقدمات میں عبوری ضمانت منظور

وفاقی اینٹی کرپشن کورٹ نے ٹڈاپ اسکینڈل میں یوسف رضا گیلانی کی مزید پانچ مقدمات میں عبوری ضمانت منظور کرلی۔ تمام مقدمات میں ایک ایک لاکھ روپے کے مچلکے جمع کرانے کا حکم۔ ملزمان پر تئیس جون کو فرد جرم عائد کی جائے گی۔وفاقی اینٹی کرپشن کورٹ میں یوسف رضا گیلانی کی جانب سے ان کے وکیل فاروق ایچ نائیک نے پانچ مقدمات میں عبوری ضمانت کی رخواست دائر کردی۔ 

درخواست میں موقف اختیار کیا گیا کہ نئے چالان آنے پر عدالت نے ناقابل ضمانت وارنٹ گرفتاری جاری کئےتھے، جبکہ ان مقدمات میں بھی وہی الزامات ہیں کوئی نیا الزام نہیں۔

عدالت نے ٹڈاپ اسکینڈل میں یوسف رضا گیلانی کی مزید پانچ مقدمات میں عبوری ضمانت منظور کرتے ہوئے تمام مقدمات میں ایک ایک لاکھ روپے کے مچلکے جمع کرانے کا حکم دے دیا، جبکہ تئیس جون تک فرد جرم عائد کرنے کا حکم دیتے ہوئے سماعت ملتوی کردی گئی۔