وزیر خزانہ اسحاق ڈار نے کہا ہے کہ پاناما لیکس پر پارلیمانی کمیٹی کے ضابطہ کار میں بینکوں سے قرضے معاف کرانے والوں کی تحقیقات کا نکتہ بھی شامل ہوگا۔

اسلام آباد میں سیکیورٹی اینڈ ایکس چینج کمیشن کی تقریب سے خطاب کے دوران انہوں نے کہا کہ مشترکہ پارلیمانی کمیٹی کے ٹی او آر ایک دو دن میں جاری کر دیئے جائیں گے۔ 

وزیر خزانہ کا کہنا تھا کہ سیاسی اثر و رسوخ استعمال کر کے قرضے معاف کرانے اور پھر شاہانہ زندگی بسر کرنے والوں کو ضرور گرفت میں آنا چاہیے۔