اطالوی پولیس نے انسانی اسمگلنگ میں ملوث ہونے کے شبے میں سولہ افراد کو گرفتار کر لیا ہے۔ یہ افراد سیسلی کے علاقے کاتانیا میں گرفتار کیے گئے ہیں۔ 

ان مبینہ اسمگلروں کو اٹھائیس مئی کے روز کھلے سمندر میں ڈوبنے سے بچایا گیا تھا۔ ان افراد کی گرفتاری بعض مہاجرین کی نشاندہی پر کی گئی ہے۔ پولیس کے مطابق گرفتار ہونے والوں کا سرغنہ اور کشتی کا کپتان گیمبیا کا ایک شہری ہے جبکہ بقیہ پندرہ ساتھی کشتی کے لیے پٹرول لائے تھے۔

 یہ لوگ سمندری سفر کے دوران کشتی کے انجن کی نگرانی اور مہاجرین کو کنٹرول بھی کرتے رہے تھے۔ کاتانیا میں گرفتار ہونے والے مشتبہ افراد بقیہ آٹھ سو سے زائد مہاجرین کے ساتھ ایک کیمپ میں پناہ لیے ہوئے تھے