کوئٹہ میں میگا کرپشن کے مرکزی کردار سابق سیکریٹری خزانہ بلوچستان مشتاق رئیسانی اور ان کے سہولت کار ندیم اقبال کو نیب عدالت نے مزید چودہ روزہ ریمانڈ پر نیب کے حوالے کردیا۔سابق سیکریڑی خزانہ مشتاق رئیسانی اور ان کے سہولت کار ندیم اقبال کو احتساب عدالت میں پیش کیا گیا

 سماعت کے دوران مشتاق رئیسانی نے عدالت کو بتایا کہ ان کے خاندان والوں سے ملاقات نہیں کرائی جارہی، جبکہ ان کو طبی سہولیات بھی فراہم نہیں کرائی جارہی۔عدالت نے اس موقع پر کہا آپ پر اہم الزامات ہیں، تاہم نیب حکام کو ہدایت کی ان کے اہلخانہ سے ان کی ملاقات کرائی جائے اور ان کو مکمل طبی سہولیات بھی فراہم کی جائیں۔ 

نیب کے وکیل کی جانب سے عدالت کو بتایا گیا کہ خونی رشتوں کی ملاقات کبھی بند نہیں ہوئ، جبکہ ملزم کا روزانہ کی بنیاد پرطبی معائنہ بھی کیا جاتا ہے۔عدالت نے مشتاق رئیسانی اور ان کے سہولت کار سابق اکاونٹ آفیسیر میونسپل کمیٹی خالق آباد ندیم اقبال کو مزید چودہ روز ریمانڈ پر نیب کےحوالے کرتے ہوئے سماعت پندرھ جون تک ملتوی کردی۔