چیئرمین تحریک انصاف عمران خان کا کہنا ہے کہ بجٹ میں ٹیکس ریفارمز لانی چاہیں تھیں،ٹیکس اکٹھا کرنا ملک کا سب سے بڑا مسئلہ ہے، پاکستانی قوم سب سے زیادہ خیرات دیتی ہے، لیکن حکمرانوں کی پالیسیوں کے باعث ٹیکس نہیں دیتی۔

تحریک انصاف کے چیرمین مختصر دورے پر لاہور پہنچے، ائیرپورٹ پر میڈیا سے گفتگو میں انہوں نے مسلم لیگ ن کی حکومت اور حالیہ بجٹ کو تنقید کا نشانہ بنایا ۔ ان کا کہنا تھا کہ عوام بھوک سے مر رہی ہے جبکہ حکمرانوں کی ترجیحات ہی کچھ اور ہیں۔ 

چیرمین تحریک انصاف مقامی ہوٹل میں نجی یونیورسٹی کے فنڈریزر میں بھی شریک ہوئے ۔ ان کا کہنا تھا کہ مخالف انہیں اے ٹی ایم مشین کہتے ہیں،وہ عوامی فلاح کے لیے پیسے اکٹھا کرنے کو فخر سمجھتے ہیں۔

اس موقع پر عمرا ن خان نے مولانا فضل الرحمن اور اسلامی نظریاتی کونسل کی پالیسیوں کو بھی آڑے ہاتھوں لیا۔

فنڈریزر میں شریک مخیر حضرات نے نہ صرف دل کھول کر یورنیورسٹی کے لیے عطیات دیےاور لوگ عمران خان کے ساتھ سیلفیاں بھی بنواتے رہے۔