شدت پسند تنظیم بوکوحرام نے جنوبی مغربی نائجر کے علاقے بوسو میں حملہ کر کے 32 فوجیوں کو ہلاک کر دیا ہے۔

 بتایا گیا ہے کہ شدت پسندوں کے اس حملے میں ہلاک ہونے والے فوجیوں میں 30 کا تعلق نائجر جب کہ دو کا تعلق نائجیریا سے تھا۔ 

نائجر کی وزارت دفاع نے ہفتے کے روز ان ہلاکتوں کی تصدیق کرتے ہوئے بتایا ہے کہ اس حملے میں بوکوحرام کے سینکڑوں شدت پسند شامل تھے۔ 

وزارتی بیان کے مطابق یہ علاقہ بعد میں ان عسکریت پسندوں کے قبضے سے چھڑا لیا گیا ہے اور اب وہاں صورت حال پرامن ہے۔