ڈی جی رینجرز سندھ میجر جنرل بلال اکبر نے ایم کیوایم کی کاروباراورٹرانسپورٹ بندرکھنےکی اپیل پر ردعمل میں کہا ہے کہ عوام بلاخوف وخطرمعمولات زندگی جاری رکھیں،دکانیں بندکرانےوالوں کےساتھ سختی سےنمٹاجائےگا۔

ڈی جی رینجرز سندھ نے کہا ہے عوام بلا جواز ہڑتال کی کال پر کان نہ دھریں۔ دکانیں بند کرانے والوں کے خلاف سختی سے پیش آئیں گے۔

میجر جنرل بلال اکبر نے کہا کہ کاروباری حضرات آزادی کےساتھ کاروباراوردکانیں کھولیں،ٹرانسپورٹرزکومکمل تحفظ فراہم کیاجائےگااور جرائم پیشہ افرادکےخلاف سخت کارروائی کی جائےگی۔

واضح رہے کہ ڈاکٹر فاروق ستار کے گھر کے محاصرے کے خلاف ایم کیو ایم نے آج کراچی سمیت سندھ بھر میں یوم احتجاج منانے کا اعلان کیا ہے اور عوام سے کاروبار اور ٹرانسپورٹ بند رکھنے کی اپیل کر دی۔