پاکستان نے نیوکلیئر سپلائرز گروپ کی رکنیت کے لیے کوششیں تیز کر دیں، مشیر خارجہ نے تین ممالک کے وزرائے خارجہ سے رابطہ کیا۔
ترجمان دفتر خارجہ کے مطابق مشیر خارجہ سرتاج عزیز نے نیوکلیئر سپلائر گروپ میں پاکستان کی رکنیت کے معاملے پر مختلف وزرائے خارجہ سے ٹیلیفونک رابطہ کیا۔
روس، نیوزی لینڈ اور جمہوریہ کوریا کے وزرائے خارجہ نے این ایس جی میں توسیع کے لیے بلا امتیاز سوچ اپنانے کی حمایت کا اظہار کیا۔
20مئی کو پاکستان نے نیوکلیئر سپلائرز گروپ کا رکن بننے کی باقاعدہ درخواست جمع کرائی تھی۔ درخواست میں مؤقف اختیار کیا گیا تھا کہ پاکستان ایک طویل عرصے سے اس گروپ کا رکن بننے کی کوششوں میں ہے۔
رکنیت کے بعد پاکستان بھی اس گروپ کے دیگر ممبران کی طرح سول نیوکلیئر ٹیکنالوجی تک رسائی کے قابل ہو سکے گا، اس کے علاوہ پاکستان عالمی سطح پر ایٹمی مواد اور خدمات بھی مہیا کر سکے گا، اس اہم گروپ میں شمولیت سے جوہری ہتھیاروں کےعدم پھیلاؤ کی عالمی کوششوں میں مدد ملے گی۔
اسلام آباد میں کئی غیر ملکی سفیروں کو بھی پاکستان کی نیوکلیئر سپلائر گروپ کی رکنیت کے حصول کی کوششوں سے متعلق بریفنگ دی گئی ایڈیشنل سیکریٹری یواین تسلیم اسلم نے سفیروں کو بتایا کہ اگر کوئی تفریق کی گئی تو خطے کے استحکام پر منفی اثر ہو گا۔
(0) آپکی رائے
پرنٹ
احباب کو بتائیے
اُوپر