ترکی کے لیے یورپی یونین کے اعلٰی ترین مندوب ہانس یورگ ہابر اپنے عہدے سے مستعفی ہو گئے ہیں۔ ترکی میں یورپی وفد نے اس استعفے کی تصدیق کر دی ہے تاہم انہوں نے اس کی کوئی وجہ نہیں بتائی۔ ہابر نے ترکی اور یورپی یونین کے مابین مہاجرین سے متعلق معاہدے کو تنقید کا نشانہ بنایا تھا۔

 اس کے بعد انہیں گزشتہ ماہ ترک وزارت خارجہ نے تنبیہ بھی جاری کی تھی۔ ہابر کا استعفی ایک ایسے وقت پر سامنے آیا ہے، جب ترکی اور یورپی یونین کے باہمی روابط میں کشیدگی پائی جاتی ہے۔ 

یورپی کمیشن کی جانب سے ابھی تک اس بارے میں کوئی بیان سامنے نہیں آیا ہے۔