طور خم باردڑ پر افغان فورسز کی بلا اشتعال فائرنگ کا جواب دیتے ہوئے شہادت پانے والے میجر علی جواد چنگیزی کو کوئٹہ میں سپرد خاک کردیا گیا،پشاور میں شہید کی نماز جنازہ میں آرمی چیف اور اعلیٰ فوجی حکام نے شرکت کی ۔

طور خم بارڈر پر افغان فورس کی بلا اشتعال فائرنگ کا منہ توڑ جواب دیتے ہوئے مٹی پر قربان ہونے والے میجر علی جواد چنگیزی کی تدفین کوئٹہ کے علمدار روڈ پر واقع بہشت زینب قبرستان میں کردی گئی۔

آرمی چیف کی جانب سے شہید کی قبر پر پھول چڑھائے گئے جبکہ فوج کے چاق و چوبنددستوں نے شہید کی قبر پر سلامی دی ،اس سے پہلے شہید کا جسد خاکی پشاور سے کوئٹہ پہنچا جہاں امام برگاہ نچاری میں ان کی نماز جنازہ ادا کی گئی۔

نماز جنازہ میں وزیراعلیٰ بلوچستان، کورکمانڈر کوئٹہ،آئی جی ایف سی اور صوبائی اور وفاقی وزراء شریک ہوئے۔ اس سے قبل شہید علی جواد چنگیزی کی نماز جناہ پشاور گیریژن میں بھی اداکی گئی جس میں آرمی چیف جنرل راحیل شریف، کور کمانڈر پشاور لیفٹیننٹ جنرل ہدایت الرحما،ن لیفٹیننٹ جنرل عاصم سلیم باوجوہ اور دیگر حکام نے بھی شرکت کی ،آرمی چیف جنرل راحیل شریف نے بھی شہید میجر کے جسدخاکی کو کاندھا دیا۔

دو دوز کے دوران افغان فورس کی فائرنگ سے ایف سی، خاصہ دار فورس اور پاک فوج کے میجر سمیت 11اہل کار زخمی ہوئے، جن میں میجر علی جوادچنگیزی زخموں کی تاب نہ لاتے ہوئے منگل کو شہید ہوگئے تھے۔