خلیجی ریاست بحرین کی ایک عدالت نے مرکزی سیاسی پارٹی الوفاق کو ہر قسم کی سیاسی و سماجی سرگرمیوں میں شریک ہونے سے معطل کر دیا ہے۔ اِس خلیجی ریاست کی وزارتِ انصاف کے مطابق عدالت نے الوفاق کو خلاف قانون کارروائیوں میں شریک ہونے کے تناظر میں تحلیل کرنے سے قبل معطل کرنے کا حکم صادر کیا ہے۔
عدالت نے الوفاق کے دفتر کو سربمہر کرنے کے علاوہ اِس کے مالی اثاثوں کو بھی منجمد کرنے کا حکم دیا ہے۔ بحرینی نیوز ایجنسی نے عدالتی حکم کو اپنی ویب سائٹ پر شائع کر دیا ہے۔ الوفاق کے سربراہ شیعہ عالم علی سلمان پہلے ہی نو برس کی سزا بھگت رہے ہیں۔ وہ سن 2014 میں گرفتار کیے گئے تھے۔
(0) آپکی رائے
پرنٹ
احباب کو بتائیے
اُوپر