دنیا بھر میں جس طرح دوسرے میڈیا یا ذرائع ابلاغ ہیں اور انکی اپنی حدود و قیود اور اصول و ضوابط ہیں اسی طرح سوشل میڈیاکے بھی باقاعدہ اصول و ضوابط ہیں۔ ہمارے ہاں نوے فیصد سے زیادہ لوگ ان اصولوں اور ضوابط سے بے پرواہ ہو کر اس جدید میڈیا کو استعمال کر رہے ہیں اور جیسے اپنی چھری سے اپنا ہی گلا کاٹ رہے ہیں

ایسی صورت حال میرے احباب کی فہرست میں شامل ایک شریف النفس اور اہل نظر اقبال حسن آزاد بھائی کے ساتھ بھی پیش آئی ہے اور فیس  بُک کے ادبی بونوں نے ان سے نا زیبا رویہ اختیار کیا۔ یہ عجب سانحہ ہے کہ دنیا بھر کو سچائی کا درس دینے والے یہ شاعر ادیب خود اپنے قبیلے کے ایک فرد کا ساتھ نہیں دے پاتے اور یہ بھول جاتے ہیں کہ کل یہ صورت حال خود انکے لیئے بھی پیدا ہو گی۔ اقبال حسن آزاد بھائی مجھ میں سچ کا ساتھ دینے کا حوصلہ ہے اور یہ حوصلہ اسی قلم سے ملا ہے

جس سمت نگاہ دوڑاؤں ، بس یہی نظر آتا ہے جیسے سیاسی ، مذہبی ، سماجی اور معاشرتی سطح پر "‌ کردار کشی "‌ انسانوں پر ایک زمیداری کی طرح ہے ۔ دکھ اس بات کا ہے کہ سب سے زیادہ جن کا اخلاقی کردار پرواز نشیب ہے ، ان میں‌ زیادہ تر وہ لوگ ہیں‌جو چند لفظ‌ پڑھ لکھ اور بول سکتے ہیں۔ یہ وہی لوگ ہیں جن کاتعلیم بھی کچھ نہیں بگاڑ‌سکی ۔ خیرعلم سے فیض تو قسمت والے ہی اٹھاتے ہیں ۔ کیونکہ علم آپ کو عاجزی ، انکساری اور محبت سکھاتا ہے ۔ وہ کسی کو سربازار رسوا کرنے سے پہلے ہی لرز جاتا ہے کیونکہ علم شرافت بھی عطا کرتا ہے ۔۔ علم ہی تعلیم کی طرف راغب کرتا ہے تاکہ ہم نے جو اس سے پایا ہے وہ دوسروں تک پہنچا سکیں ، انہیں آسانیاں اور سکھ دیں سکیں ۔ یہ بلکل ایسے ہی جیسے میری تعلیم نسخے لکھنا ہے لیکن تعلیم مجھے کہانیاں لکھنے میں مدد کرتی ہے جن میں میرا علم سانس لیتا ہے ۔ ۔ 

افسوس صد افسوس ۔۔۔۔۔ 

حیقت یہ ہے کہ کسی کی بات کسی کو بھی ناگوار گزر سکتی ہے لیکن اسے باور کروانے کا ایک مہذب طریقہ ہوتا ہے اور وہ یہ ہے کہ ایمانداری کے ساتھ ایک دوسرے کے تحفظات کو سنا جائے اور اپنی بات کو سمجھا یا جائے ، اس کے لیئے فیس بک پر ڈھول پیٹنے کی کیا ضرورت ہے ۔۔ ان باکس میں بات کیجئے ۔۔ ایک گروپ انباکس میں بنا لیجئے ۔۔۔ پر اقبال بھائی یہ باتیں‌ ان کے لیئے ہیں جو شعور والے ہیں جنہیں‌معلوم ہوتا ہے کہ کونسی بات کہاں رکھنی ہے اور کہاں سے اٹھانی ہے ۔۔۔۔۔۔۔۔ 

اقبال بھائی آپ انتہائی محنتی ، قدر شناس اور مروت رواداری کے پاسدار ہیں ۔۔۔۔۔۔۔ آپ کے ساتھ تو اس سے بھی زیادہ برا ہونا لازم تھا ۔۔۔ دیکھئے ابھی بھی آپ نے کسی پر کوئی لعن طعن اور فتوی بازی نہیں کی ۔۔۔ اور نا ہی کسی پر سے پردہ اٹھایا ہے اور نا ہی کسی کوثالث سے بین کرنے کی دھمکی دی ہے اور نا ہی کیا ہے ۔۔۔۔۔۔ یہی ظرف والوں کی نشانی ہے ۔۔۔۔۔۔۔ یہی پروفیشنلزم ہے ۔۔ میں آپ کی شکرگزار ہوں کہ آپ مجھے کسی قابل جانتے ہیں ۔۔ شاد و آباد رہیئے ۔

اقبال حسن آزاد بھائی دیکھنا اب یہ ہے کہ یہ حادثہ آپ کے لیئے کیا انعام لاتا ہے ۔۔۔۔