لاہورمیں عوامی تحریک کے دھرنے کی تیاریاں شروع کردی گئی ہیں۔عوامی تحریک سانحہ ماڈل ٹاؤن کے دو سال مکمل ہونے پر ڈاکٹر طاہر القادری کی قیادت میں مال روڈ لاہور میں دھرنا دے رہی ہے۔ دھرنے کے لیے اسٹیج کاسامان،شرکا کے لیے کرسیاں، ساونڈسسٹم، لائٹس، جنریٹرز اور دیگر سامان مال روڈ پر پہنچا دیا گیا ہے۔

دھرنے کی تیاریوں کے لیے عوامی تحریک کے کارکن اورعہدیدار بھی جوش و خروش کے ساتھ مال روڈ پر موجود ہیں۔

گزشتہ رات کی آندھی اور اس کے بعد بارش سے تمام انتظامات متاثر ہوئے تاہم صبح سے دوبارہ پاکستان عوامی تحریک کے کارکن انتظامات کر رہے ہیں جبکہ اطرافی سڑکیں ٹریفک کے لئے بند کردی گئی ہیں۔