پاناما لیکس کی تحقیقات کے لیے ٹی او آر کی تیاری پر حکومت اور اپوزیشن میں کشیدگی برقرار ہے۔ متحدہ اپوزیشن نےاعلان کیا ہے کہ پیرکوعوام کواعتمادمیں لیں گے۔

اعتزاز احسن کہتےہیں وزیر اعظم کو احتساب سے انکار نہیں لیکن چند درباری انہیں ایسا نہیں کرنے دے رہے۔

خورشید شاہ کہتےہیں بس اب بہت ہوگیا ۔ عوام کو سب بتادیں گے ۔سوموار کو اعتزاز کے گھر پرپریس کانفرنس کریں گے۔

اپوزیشن جماعتوں کے اجلاس کےبعض شرکا کاکہناتھاکہ وزیر اعظم احتساب کے لیے تیار ہیں لیکن ان کے رفقا اس میں ر کاوٹ ہیں۔

اجلاس میں خورشید شاہ کاکہناتھاکہ اگر اپوزیشن نے اکٹھے چلنا ہے تو عمران خان اگست میں اکیلے لانگ مارچ یا دھرنے کا اعلان کیسے کرسکتے ہیں۔

شاہ محمود قریشی نے یقین دہانی کرائی کہ سولو فلائٹ کی بجائے اپوزیشن جماعتوں کوساتھ لے کرچلیں گے۔