افغانستان کے دارالحکومت کابل میں خودکش دھماکے میں14 افراد ہلاک،23 زخمی ہوگئے ۔خودکش بمبار نے حملے میں بین الاقوامی تنظیم کے ملازمین کی بس کو نشانہ بنایا۔

صبح کابل کا علاقہ پل چرخیل خودکش دھماکے سے گونج اٹھا، دھماکا مقامی وقت کے مطابق صبح 5 بجے کیا گیا۔

حکام کے مطابق ہلاک ہونے والوں میں زیادہ تر نیپالی اور فلپائنی تھے جبکہ دھماکے کی مزید تفصیلات معلوم نہیں ہوسکیں ۔

کسی بھی گروپ کی جانب سے ابھی اس دھماکے کی ذمہ داری قبول نہیں کی گئی ہے۔