ایک ماہ ملک بغیروزیراعظم کےچل سکتا ہےتو وزیراعظم کی ضرورت کیا ہے، بلاول

بلاول بھٹو کا کہنا ہے کہ ایک ماہ ملک بغیروزیراعظم کےچل سکتا ہےتو وزیراعظم کی ضرورت کیا ہے. چارٹرڈ آف ڈیمو کریسی ایک ایسا چارٹر ہے جس پر اگر عمل کیا جاتا ہے تو پاکستان کی یہ حالت نہ ہوتی افسوس ہے میاں صاحب نے چارٹر آف ڈیموکریسی کو بھلا دیا اور آج اس پر عمل کرنے سےجمہوری ادارے کمزور پڑ گئے۔

سابق وزیر اعظم بینظیر بھٹو کی سالگرہ کے موقع پر آزاد کشمیرمیں ایک تقریب سے خطاب میں کہنا تھا کہ بینظر بھٹو ایک ماں تھی اور وہ ایک ماں کی طرح بچوں میں کوئی فرق نہیں رکھتی تھی بلکہ یہ کہا جائے تو بے جا نہ ہوگا کہ بے نظیر نے نا ممکن کو ممکن بنا دیا۔ ان کا کہنا تھا کہ عید کے بعد ملک بھر میں جلسے کروں گا اور لوگوں کو بتاوں گا کہ پیپلز پارٹی اب بھی موجود ہے۔ 

بلاول کا کہنا تھا کہ میں بتانا چاہتا ہوں کہ میں بیٹا ہوں بے نظیر کا اور میری سیاست نوجوانوں کے لیے ہے، میری سیاست غریبوں کے لیئے ،کسانوں کے لیے اور مزدوروں کے لیئے ہے جبکہ سیاست میری لیے عبادت کا درجہ رکھتی ہوں۔پاکستان پیپلز پارٹی کے چیئرمین بلاول بھٹو کا کہنا تھاکہ ہم آئیں گے تو دال مرغی سے سستی ہوگی اور پیسہ میٹرو منصوبوں پر خرچ کرنے کے بجائے لوگوں پر خرچ کیا جائے گا۔