لیبیا میں حکومت کی حامی فورسز اور شدت پسندوں کے درمیان جھڑپوں کی اطلاعات ہیں۔ بتایا گیا ہے کہ ہتھیاروں کے ایک گودام میں ہونے والے دھماکے کے نتیجے میں کم از کم 60 افراد ہلاک بھی ہوئے ہیں۔

 طبی ذرائع کے مطابق منگل کو شدت پسند تنظیم اسلامک اسٹیٹ کے عسکریت پسندوں سے برسرپیکار حکومت کی حامی فورسز سے وابستہ 36 افراد ہلاک جب کہ دیگر 140 زخمی ہوئے ہیں۔ بتایا گیا ہے کہ یہ جھڑپیں سرت شہر میں ہو رہی ہیں، جسے اسلامک اسٹیٹ کا گڑھ تصور کیا جاتا ہے۔