سے ڈربی تشریف لائے اور اسلام میں اعضا کو عطیہ کرنے کے بارے میں پائی جانے والی غلط فہمیوں کا علمی اور فکری جواب دیا جسے سامعین کی بڑی تعداد نے بہت پسند کیا

سڈنی سے ماہر نفسیات، افسانہ نگار، شاعرہ اور سماجی و دینی موضوعات پر نظر رکھنے والی ڈاکٹر نگہت نسیم نے سکائپ کے ذریعے شرکت کی 

 انہوں نے اس بات کی وضاحت کی کہ برین ڈیتھ کیا ہے اور مرنے کے بعد کتنی دیر تک انسان کا کون کون سا عضو کتنی دیر زندہ رہتا ہے۔ انہوں نے اعضا عطیہ کرنے کی اہمیت اور ضرورت کو کئی رخ سے اجاگر کیا

ڈاکٹر نگہت نسیم نے اپنی مفصل تجزیاتی اور تحقیقی گفتگو میں اس بات پر زور دیا کہ اعضا عطیہ کرنے کا مسلہ صرف برطانیہ کے مسلمانوں اور ایشیائی لوگوں کانہیں ہے بلکہ یہ رویہ دنیا بھر میں مقیم مسلمانوں اور ایشیائی لوگوں میں پایا جاتا ہے۔ انہوں نے دین سماج اور نفسیات کے حوالے سے اعضا عطیہ کرنے والوں اور وصول کرنے والوں کے نفسیاتی رجحانات کا تجزیہ پیش کیا ۔ انہوں نے اس بات پر زور دیا کہ انسان کو پیدا کرنے والے نے اس کے مرنے کے بعد مختلف اعضا کو مختلف مدت کے لیئے جو زندہ رکھنے کی حکمت اختیار کی ہے تو اس کے پس پردہ بلاشبہ کوئی ایسا فلسفہ موجود ہے جس کی کلید فلاح انسانیت ہے ۔ انہوں نے اس امر پر افسوس کا اظہار کیا کہ مسلم معاشرے میں اس سنجیدہ اور نازک مسلے کو دانشوارانہ اور مدلل سطح پر نپٹنے کی بجائے سطحی اعتبار سے نپٹا گیا ہے اور مسلمانوں کے اکثر مسالک میں یہ غلط فہمی پیدا کی گئی ہے کہ اعضا عطیہ کرنا حرام ہے ۔ 

لندن سے تشریف لائے جناب صفدر ہمدانی نے اپنی طویل گفتگو کو اس طرح سمیٹا کہ دین اسلام کسی ایک جماعت کا دین نہیں بلکہ تمام انسانیت اور کائیناتوں کا دین ہے ۔ اور اللہ پاک کے رسول صرف مسلمانوں کے لیئے ہی نہیں بلکہ عالمین کے لیئے رحمت ہیں ۔ جس دین میں ایک درخت لگانا ، ایک کنواں کھودنا قیامت تک کے لیئے ثواب کا موجب ہو وہ دین کسی انسان کی جان بچانے کے لیئے اعضا عطیہ کرنے سے کیسے منع کر سکتا ہے ۔ انہوں نے مسلمانوں کے پانچ بڑے مسالک کے مقتدر اہل علم کے فتوں اور آراء کا زکر کرتے ہوئے کہا کہ مسالک کے درمیان ایسی غلط فہمیاں کم علم ملاؤں کی پیدا کردہ ہیں ۔ جنہیں عام مسلمان  ناجاننے کے باعث عالم دین کہہ کر ان کی بات کومن و عن تسلیم کرتا ہے۔ 

ساڑھے تین گھنٹے کے لائیو پروگرام کے بعد جناب صفدر ہمدانی نے پاک فوڈ کے باہر لگے ہوئے نیشنل ہیلتھ سروس کے اسٹال کا دورہ کیا جہاں انہیں اس مہم کے مختلف پہلوؤں سے این ایچ ایس کے اہلکار “کرت مستری “ نے آگاہ کیا ۔ اور اسٹال پر موجود رضاکاروں سے تعارف کروایا۔ 

پاک فوڈ کے مالک جناب رزاق گزشتہ چودہ برس سے ڈاربی اور اس کے مضافاتی ہسپتالوں میں اعضا کے منتطر مریضوں ، خاص طور پر بچوں سے ملنے کے لیئے ہسپتالوں میں دورے کر رہے ہیں ۔ انہوں نے اپنے دفتر میں جناب صفدر ہمدانی سے خصوصی ملاقات کی اور اعضا عطیہ کرنے کے حوالے سے دینی اور سماجی رویوں پر گفتگو کی ۔ انہوں نے بتایا کہ اس آگاہی مہم کے سلسلے میں ایک بہت بڑا پروگرام پچیس جولائی کو ڈاربی میں ترتیب دیا گیا ہے ۔